"Мектепке тағзым " акциясы 
 
Елбасымыз Н.Ә. Назарбаевтың «Болашаққа бағдар; рухани жаңғыру» бағдарламасы аясында «Мектепке тағзым » атты ашық есік күні №47 орта мектебінде 28 қараша күні өтті. Кең ауқымды қамтыған бұл іс-шараның мақсаты- оқушылар бойында бәсекеге қабілеттілік қасиетті дамыта отырып,дарынды ұрпақты тәрбиелеу, туған жерге деген сүйіспеншілікті қалыптастыру,сонымен бірге түлектерді туған жеріне, білім алған мектептеріне, сабақ берген ұстаздарына құрмет көрсетуге шақыру,оқушыларға өз мектептерін бітірген танымал түлектердің табысты өмір жолын үлгі ету .Бағдарлама бойынша мектептің ашық есік күніне орай көрме ұйымдастырылды.Көрмеге «Қордайым -алтын бесігім » тақырыбында суреттер, дарынды оқушылардың суреттері мен жетістіктері ілінген стенд, қолөнер туындылары қойылды.Сонымен бірге  туған өлкенің таланттары, елге танымал тұлғалар туралы мәліметтер жиналды, мұражайларға саяхат барысында алған әсерін оқушылар сипаттап жазды.
 

 

 

 

 

 1-11 сыныптарды қамтыған «Рухани жаңғыруға» бағытталған ашық сабақтар өзіндік  мазмұнымен ерекшеленді. Спорттық іс-шаралар бойынша да көптеген жетістіктерге қол жеткізді. Біздің мектептің оқушылары волейбол ойынынан облыстық жарысқа қатысып, 3-орынды иеленіп, жеңісін мектепке арнады. 
 

 

Мектепте дарынды оқушылар өте көп.Себебі ұстаздар олардың жан-жақты қабілеттерін аша білген. Оқу жылының алғашқы екі айының өзінде әртүрлі деңгейдегі халықаралық,республикалық, аудандық байқаулардың жүлделі орын иегерлері болған оқушыларды мектеп директоры марапаттады .

 

 

 

 
Іс-шара соңы мерекелік концертке ұласып , оқушылар ән-биден шашу шашты.