«Тәуелсіздік - тірегім!»

2017-2018 оқу жылында №47 орта мектебінде

15 желтоқсан 2017 жылы

Тәуелсіздік күніне өткізілген «Тәуелсіздік - тірегім!»

атты мерекелік іс - шара өткізілді

Тәуелсіздік – тәңірдің біздің ұрпаққа берген үлкен бақыты, халқымыздың мәңгілік құндылығы. Біз бүгінгі күнге дейін барлық жетістіктерімізге тәуелсіздіктің арқасында қол жеткізіп келеміз. Елдің әл ауқатын көтеріп , төл мәдениетіміз бен мемлекеттік тілді жаңғырту ісінде қыруар жұмыстар жасадық. Елімізде,білім, денсаулық,спорт салалары айрықша даму үстінде. Тәуелсіздік – біздің ең басты игілігіміз, баға жетпес құндылығымыз. Жас мемлекет тарихындағы жаңа дәуір дәл осы Тәуелсіздіктен бастау алады. Дәуір жасампаздығы сенімді және серпімді дамуға байланысты. Осы мерекемізге орай №47 орта мектебінде «Тәуелсіздік - тірегім!» атты мерекелік іс-шара өтті. Тәуелсіздік мерекесін ұлықтау, егеменді елдігіміздің маңызын білуге, туған халқының тарихын құрметтеуге, отансүйгіштікке баули отырып, патриоттық рухта тәрбиелеу мақсатында өткен Іс-шараға мектеп басшылығы, мұғалімдер, ата-аналар және мектеп оқушылары қатысты.

Еліміздің басты мерекесіне арналған шара Әнұранның орындалуымен басталды. Мерекелік кешті мектеп директоры К.У. Нусипбаева ашып, оқушыларға шараның мәнін, тәуелсіздік, бостандық, еркіндік ұғымдарының тарихи маңызын түсіндіріп өтті.

Көптеген өлеңдер оқылып, Отан туралы әндер айтылды. Шара барысында егемен еліміздің қалыптасуынан, бүгінгі шыққан биігі мен қол жеткен жетістіктерінен сыр шертетін «Тәуелсіз Қазақ елі» атты бейне фильм көрсетіліп, ел тірегі Елбасының арқасында бүгінгі күнге дейінгі жеткен жетістіктеріміз атап өтілді.